18:29 ԴԱՎԻԹ ՍԻԼՎԱ – «ՌԵԱԼ ՄԱԴՐԻԴԻ» ԹԻՎ ՄԵԿ ՆՊԱՏԱԿԸ | |
Դեռ այս մրցաշրջանի ավարտին 9 տուր կա, բայց «Ռեալը» արդեն իսկ սկսել է նախապատրաստվել և ծրագրեր մշակել գալիք մրցաշրջանի համար: Թիմի ղեկավարությունը սահուն քայլերով առաջ է շարժվում, բայց նրանց գործողություններում չի նկատվում շտապողականություն: Ներկա դրությամբ ակումբի ղեկավարների թիվ առաջին նպատակը «Վալենսիայի» և Իսպանիայի հավաքականի խաղացող Դավիթ Սիլվային ձեռք բերելն է: Պելեգրինին շատ է ցանկանում ուժեղացնել դաշտի կենտրոնը և այդ դիրքում միայն տեսնում է Սիլվային:
Վերջին խաղերում պարզ է դառնում, որ թիմի թույլ օղակներից մեկը հենց դաշտի կենտրոնն է: Ակումբը չի ցանկանում ռիսկի դիմել, քանի որ պարզ չեն դեռ թիմի ներկայիս ֆուտբոլիստների ցանկությունները` կապված գալիք մրցաշրջանի հետ: Շատ է խոսվում այն մասին, որ ամռանը կարող է թիմը լքել փոխավագ Գուտին: Վերջերս սկսել են տարածել լուրեր, որ Լասը նույնպես կարող է հեռանալ թիմից և այլն:
Ինչ վերաբերում է Սիլվային, ապա նրանով «Ռեալը» վաղուց է հետաքրքվում: Նրա խաղը շատ է դուր գալիս Պելեգրինիին: Սիլվան մոտ էր Մադրիդի տեղափոխվելուն դեռ անցած ամառ, բայց «Վալենսիան» չցանկացավ հրաժարվել իր առաջատարի ծառայություններից: Բայց սպասվում է, որ գալիք ամառ «Ռեալը» ամեն մի փորձ ձեռնարկելու է Սիլվային գնելու համար: Ներկա պահին Սիլվայի տրանսֆերը 30 միլիոն եվոր է:
Մեծ է ցանկությունը Սիլվային տեսնել «Ռեալի» մարզաշապիկով, բայց այս անգամ թիմի ղեակավարները չեն ցանկանում ավելորդ քայլեր անել, որպեսզի հերթական անգամ չձախողեն գործարքը: Հիշեցնենք, որ խաղացողի գործակալները արդեն հանդիպել են Պարդեսայի հետ 2009 թվականի հուիսին և քննարկել են իրավիճակը և ինչպես հետո պարզվեց գործարքը չկայացավ:
Խաղացողը ցանկանում է փոխել միջավայրը և արդեն սկսել է մտածել տիտղոսների մասին: 2008 թվականին
Սիլվայով հետաքրքրվում էին մի շարք գրանդ ակումբներ, բայց ֆուտբոլիստը
մնաց իր ներկայիս թիմում ` երկարաձգելով պայմանագիրը մինչև 2013 թվականը: Ներկա պահին նա տարեկան ստանում է 2,5 միլիոն եվրո: | |
|
Всего комментариев: 0 | |